Настаўніцкая семінарыя.

Частка I
Настаўніцкая семінарыі існавала ў г. Рагачове з 1909 па 1919 год.
Сярод знакамітых людзей, што вучыліся і працавалі ў сценах семінарыі, варта адзначыць Міхася Лынькова ды Зміцера Сцяпуру.
У комплекс будынкаў Настаўніцкай семінарыі ўваходзілі:
1) Галоўны вучэбны корпус, які выходзіў галоўным фасадам на вуліцу Галавінскага/Кастрычніцкую. У гэтым будынку чыталіся лекцыі для будучых педагогаў. Ад яго захавалася толькі гімнастычная (спартыўная) зала для семінарыстаў. Зараз у яе сценах месціцца прадуктовы магазін.
2) Практычная школа, галоўны фасад якой выходзіў на вуліцу Галавінскага/Кастрычніцкую. Тут месцілася 4 - класная гарадская школа, урокі для дзетак вялі семінарысты.
3) Інтэрнат. Два ўваходы ў будынак інтэрната былі з боку ўнутранага дворыку семінарыі. Тыльны фасад выходзіў на вуліцу Булгака/Калініна. Гэта быў самы вялікі будынак з усяго комплексу.
4) Гаспадарчыя пабудовы. Частка з іх захавалася, у іх зараз месціцца дзіцячая бальніца г. Рагачова.
У якасці ілюстрацый выкарыстоўваюцца малюнкі краязнаўца Уладзіміра Ільіча Паладзенка, створаныя ім у пачатку 2000 - х гг., на аснове сваіх дзіцячых успамінаў. Захоўваюцца ў фондах РМНС, публікуюцца ўпершыню.