💔🔥⛈ 10 разбуральных момантаў у гісторыі Рагачова

Частка чацвёртая. Бескампрамісная
(на ілюстрацыі - нямецкі авіяздымак Рагачову ў маі 1944 г.)
9. Рагачоў у 1941 - 1945 гг. 22 чэрвеня 1941 г. пачалася Вялікая Айчыная вайна. 3 ліпеня 1941 г. пры падтрымцы авіяцыі (якая неаднойчы бамбавала горад яшчэ да гэтай даты) войскі Трэцяга Рэйха ўвайшлі ў Рагачоў.
За некалькі дзён да ўваходу ў горад нямецкіх войск, у Рагачове, па загадзе цэнтральнай савецкай улады, была здзейснена аперацыя па ліквідацыі ўсіх прамысловых, энергетычных і харчовых аб'ектаў гораду. Яны былі ўзарваныя, ці падпаленыя, іх абсталяванне і прадукцыя былі вывезена за Дняпро. Пры ліквідацыі гэтых аб'ектаў незапланавана распачаліся лакальныя гарадскія пажары, якія ў момант эвакуацыі тушыць, на жаль, было некаму.
З 5 па 13 ліпеня 1941 г. Рагачоў знаходзіўся не на лініі, а літаральна ўнутры лініі фронту (горад месціцца ў міжрэччы), яго гістарычная забудова знаходзілася пад сталым перакрыжаваным агнём савецкай і нямецкай армій.
13 ліпеня 1941 г. сіламі 63-й стралковай дывізіі Пятроўскага Л. Р. нямецкія войскі былі выбіты з г. Рагачову. Да 15 жніўня савецкая армія трымала Рагачоў, пасля чаго была вымушана здасі горад немцам, адступіўшы за Дняпро. На момант 15 жніўня 1941 г. уся паўднёвая частка гораду, ад Замкавай гары да вуліцы Кірава, уяўляла сабою руіны.
15 жніўня 1941 г. пачала ўжо другая, доўгая нямецкая акупацыя Рагачову. Яна працягвалася да 24 лютага 1944 г., калі горад быў вызвалены ад нямецкай улады ў выніку Рагачоўска-Жлобінскай ваеннай аперацыі.
На момант Рагачоўска - Жлобінскай аперацыі 1944 г. наступленне савецкіх войск, пры моцнай падтрымцы савецкай артылерыі, адбывалася наўпрост "у лабавую" на нямецкія ўмацаванні, што месціліся ўнутры самога г. Рагачову. Падчас аперацыі 1944 г., у ноч з 23 на 24 лютага, Рагачоў зноў апынуўся пад двайным ударам і быў заняты савецкімі войскамі неверагодна жудасным коштам. У ходзе Рагачоўска-Жлобінскай аперацыі загінула каля 8000 савецкіх салдатаў (па афіцыйным дадзеным), сотні загінулі ўжо пасля, у шпіталях. Горад Жлобін у лютым 1944 г. узяць савецкая армія не здолела.
У канцы лютага 1944 г. большая частка Рагачову ўяўляла сабой пустэчу. Каля 70 % гораду было знішчана. І без таго жудасную панараму гораду "дапрацоўвалі" нямецкія авіяналёты, якія ажыццяўляліся да чэрвеня 1944 г., пачатку аперацыі "Багратыён"