♧☆Egoiste☆♧

Мен оловман, қўл тутиб бўлмас,
Бир “оҳ” десам қамрар жисмимни.
Энди мени унутиб бўлмас,
Севмай бўлмас мени исмимни!
Энди дунё сенга ўхшамас,
Ўхшамайди сенга қуёш, ой.
Ҳар кун мени сўраб тўхтамас,
Юрагингда мен узилган жой!
Мени чорлаб қиёматгача,
Тушларингда исмим пичирлар!
Эслатади мени ҳар кеча,
Ёдга солар мени "кечир”лар!
Кунинг ўтмас мени йўқламай,
Лекин энди сенга бўйлаш йўқ.
Кечалар ҳам бир пас ухламай,
Сен ҳақингда тинмай ўйлаш йўқ.
Лекин энди мендай куйганлар,
То қиёмат бошқа сўлмагай.
Чунки энди мендай суйганлар,
Бу дунёда бошқа бўлмагай.
╭─┅─═ঊঈ❤️ঊঈ═─┅─╮
🙋 @YuRaGiMSaNu 🌱
╰─┅─═ঊঈ❤️ঊঈ═─┅─╯