Савол (3): Аллоҳ таъоло Одам болаларидан олган аҳд нима?

Жавоб: Аллоҳ Азза ва Жалла Одам болаларидан олган аҳд бу - Унга ҳеч нимани шерик келтирмасдан, Унга ибодат қилишдир. Аллоҳ таъоло айтади: «Роббингиз Одам болаларининг белларидан (яъни пушти камарларидан то қиёмат кунигача дунёга келадиган барча) зурриётларини олиб: «Мен Парвардигорингиз эмасманми?», деб, ўзларига қарши гувоҳ қилганида, улар: «Ҳақиқатдан Сен Парвардигоримизсан, бизлар бунга шоҳидмиз», деганларини эсланг! (Сизлардан бундай гувохлик аҳд-паймон олишимиз) қиёмат кунида: «Бизлар бундан бехабар эдик», демасликларингиз учундир. Ёки: «Ахир илгари ота-боболаримиз ширк қилган бўлсалар, бизлар улардан кейин келган (ва уларнинг ўргатган йўлларига эргашган, тақлид қилган) авлод бўлсак, ўша ноҳақ йўлда ўтган кимсаларнинг қилмишлари сабабли бизларни ҳалок қилурмисан», демасликларингиз учундир». (Аъроф: 172-173)
Эй Аллоҳнинг бандалари! Аллоҳ сизлардан олган аҳдга вафо қилинглар ва Унга бирор нарсани шерик қилишдан қўрқинглар. Қиёмат куни Аллоҳ Азза ва Жалла жаҳолат-билмаслик билан, ғофиллик билан, ота-боболарига ва ботил шайхларига эргашганлиги билан ўзини оқлаётган кишиларнинг узрини қабул қилмайди. Бу Аллоҳнинг ҳузурида узр эмасдир. Анас розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: «Аллоҳ таъоло қиёмат куни азоби энг енгил бўлган дўзахийга дейди: ("Ётган жойинг қандай экан?" у: "жуда ёмон жой" деб жавоб беради.) Унга: «Ердаги нарсаларнинг ҳаммаси сеники бўлганида, ушбу азобдан қутулиш учун уларни берган бўлармидинг?» дейилади. У: «Ҳа», дейди. Шунда: «Мен сендан Одамнинг пуштикамаридалигингда бундан кўра анча енгил нарсани – Менга ширк келтирмаслигингни истаган эдим, сен эса Менга ширк келтиришда маҳкам турдинг», дейди.
(Муттафақун алайҳ, икки қавс ичидагисини Буҳорий ва Муслимдан бошқалар ривоят қилганлар)
МАНБА: ⬇️ https://uzryoq.com Youtube каналимиз: https://www.youtube.com/uzryoq Телеграмдаги каналимиз: https://t.me/joinchat/AAAAAFjXwJJZzYqEb4KiXw