Cinayət işləri üzrə vəkilin təqsirləndirlən şəxsin və zərəçəkmiş şəxsin hüquqlarını müdafiə edən zaman fəaliyyətlərinin istiqamətləri.

Cinayət işləri üzrə Vəkillik xidmətinin istiqamətləri hüquqları müdafiə olunan şəxsin hüquqi statusuna görə fərqlənir və dəyişir. Vəkil cinayət işi üzrə statusuna görə təqsirləndirilən şəxsin müdafiəçisi qismində çıxış edirsə bu halda zərərçəkmiş şəxsin və ittiham tərəfinin digər subyektlərinin statusundan tamamilə fərqlənir.
Təqsirləndirlən şəxsin hüquqlarını müdafiə mövqeyindən çıxış edərkən vəkilin fəaliyyəti əsasən aşağıdakı istiqamətlərə yönəlir:
1. Mümkündürsə şəxsin bəraətverici əsaslarla, əks halda bəraətverici əsaslar olmadan cinayət təqibinə xitam verilməsinə nail olmaq. Bunun üçün vəkil istintaq orqanı ilə bərabər Azərbaycan Respublikası Cinayət prosessual Məcəlləsinin 92-ci maddəsinin vəkilə verdiyi hüquqlardan istifadə edərək müstəqil şəkildə əsalı sübutlar toplamaqla , istintaq və məhkəmə orqanına təqdim etmək, müadfiə etdiyi şəxsin təqsirsizliyinə xidmət edən sübutların əldə olunması üçün istintaq məhkəmə orqanlarına vəsatətlə müraciət etmək , istintaq orqanlarına verilən vəsatətlərin əsassız təmin olunmaması qənaətinə gələrsə, məhkəmə nəzarəti qaydasında şikayətlər hazırlayıb aidiyyatı məhkəmlərə təqdim etmək , şəxsin təqsirsialiyini sübut etmək üçün qanunvericiliyin imkan verdiyi bütün vasitələrdən istifadə etmək.
2. Cinayət təqibinin Cinayət Məcəlləsinin mümkün olan ən yüngül maddəsi ilə aparılmasına nail olmaq; Vəkil istintaq və məhkəmə orqanlarında müdafiə etdiyi şəxsin əməlində ona qarşı irəli sürülmüş ittihamda qeyd edilən maddədən daha yüngülü üzrə cəxa verilməsi üçün bütün qanuni yollardan istifadə erməlidir.
3. Vurulmuş zərərin məbləğinin mümkün olan ən aşağı həcmə salınmasına nail olmaq; Vəkil təqsirləndirilən şəxs tərəfindən vurulmuş zərərəin aşağı həddə ödənilməsi və ya ödənilməsinin təmini ilə bağlı iş üzrə zərəçəkmiş tərəflə sövdələşmə əldə etmək üçün bütün qanuni yollardan istifadə etməlidir.
4. Təqsirləndirilən şəxsin əmlakı barəsində xüsusi müsadirə və digər tədbirlərin görülməsi zamanı həmin əmlakların əldə edilməsi və qiymətləndirilməsi ilə bağlı sübutlar təqdim edərək xüsusi müsadirənin qarşısının alınmasına nail olmaq.
5. Təqsirləndirlən şəxs barəsində azadlıqdan məhrum etmə ilə bağlı olmayan cəzanın təyin edilməsi üçün qanunvericiliklə nəzarədə tutlan halların məhkəmə qarşısında qaldırmalıdır.
6. Təqsirləndirlən şəxslə , zərəçəkmiş şəxs arasında barışığın əldə edilməsi üçün bütün qanuni yollardan istifadə etməlidir.
İstintaq , məhkəmə orqanlarında zərərçəkmiş şəxsin hüquqlarını müdafiə edərkən vəkilin fəaliyyəti aşağıdakı istiqamətlərlə müəyyən edilir.
1. Təqsirləndirilən şəxsin barəsində cinayət təqibinin ittiham hökmünə kimi aparılmasına və onun cəzalandırılmasına nail olmaq;
2. Zərəçəkmişə və ya onun yaxın qohumlarına zərər vurmuş cinayətkarın Cinayət Məcəlləsinin uyğn gələn ən ağır maddəsi ilə aparılmasına nail olmaq;
3. Zərərçəkmişə dəymiş zərərin məbləğinin mümkün olan qədər obyektiv araşdırılmaqla ən yükəsk həddinin təmin edilməsinə nail olmaq;
4. Cinayətkarın cəzasını sonunadək çəkməsinə və yüngülləşdirici hallardan faydalana bilməməsinə çalışmaq.
5. Təqsirləndirlən şəxsin vəkili və ya qohumları tərəfindən zərəçəkmiş şəxsin aldanılmasının qarşısını almaq.
6. Təqsirləndirlən şəxs tərəfindən törədilmiş cinayət əməli nəticəsində dünyasını dəyişmiş zərəçəkmiş şəxsin hüquqi varisinə zərəçəkmiş şəxsin 18 yaşına çatmamış övladıarı qalıbsa onların 18 yaşına çatması üçün pul vəsaitlərinin alınması üçün məhkəməyə müraciət etmək hüquqlarını izah etmək.