◾️ Пайшла з жыцця сястра каліноўца «Сябро», якога забілі пад Лісічанскам

Дзяўчыну звалі Алеся і яна была хворая на анкалогію. Сілавікі Лукашэнкі арыштоўвалі яе толькі за тое, што яна была сястрой добраахвотніка. Алеся разам з маці нават сядзела ў ізалятары на Акрэсціна.
«Іх абвінавацілі ў непадпарадкаванні супрацоўнікам міліцыі і ў тым, што яны нібы напалі на тых, хто іх затрымліваў. Там жанчыны досыць малюсенькія, маці Васіля ў шаноўным узросце, ёй, здаецца, 67 гадоў, як яны маглі напасці?
На судзе яны плакалі і гаварылі, каб яны не шылі ім тое, чаго не было насамрэч. Мама Васіля казала, што гатовая адсядзець, але за справу, а не за гэта… Да іх стабільна прыходзілі з вобшукамі, як я зразумела, кожныя паўгода. У нас ва ўсіх ком у горле быў. Было складана слухаць гэты суд, вельмі складана», – распавядала праваабаронцам жанчына, якой давялося адбываць содні разам з Алесяй і маці Васіля.
«Белсат» выказвае шчырыя спачуванні блізкім Алесі з нагоды яе смерці.