Ассалому алайкум КАДИРДОНЛАРИМ Азиз мухлисларим Янги асар укимизми.

​​#анонс.
Янги асарни ёзишни бошладим ва бу асар
"ЙЎЛ БЎЛСИН..."
деб номланади. Воқеий-тарихий асар. Бошқа асарларимда уларнинг ҳаётда содир бўлган-бўлмаганлик даражаси 50-75% ни ташкил қилса, бу асарда ҳаётийлик ундан кўра кўпроқ фоизларни ташкил қилади.
Аниқ бир сон келтирмайман. Сабаби бадиий тўқималар қанча бўлишини олдиндан айтишим қийин.
Хўш, нега уни эски, фольклор қўшиқ сўзлари билан номладим?
Мен одатда "асарнинг номланиши кўп нарсани ҳал қилади" деган тушунчада ижод қиламан.
Ном-қулоққа жарангдор эшитилса-ю аммо асар мавзусига мутлақо алоқаси йўқдек туюлса ёки бир сатр билан сал-пал боғлаб қўйилган бўлса ундан ёмони йўқ!
Жудаям истайман, ўзим ёзаётган асарнинг номи-ундаги ҳамма воқеаларга мос тарзда танланган бўлишини.
"Йўл бўлсин... " қўшиғининг яралиш пайти ва унинг энг кўп куйланган даври мен ёритмоқчи бўлаётган 1916-1960 йилларга тўғри келади ва бу қўшиқ аввал "Қуралай кўз йўл бўлсин" деб номланган.
Унинг асл вариантида Андижон ва Марғилон шаҳарлари номи тилга олинади. Асарим воқеалари ҳам мана шу икки шаҳар ўртасида кечади.
Очиғи, бу номни танлашга узоқ ўйландим. Тушимда бир номни ёзиб кўрсатишди аммо уйғонгач унутиб қўйдим. Қаҳрамонлар ҳозир ҳаёт эмас. Оламдан ўтиб кетишганига анча йиллар бўлди.
Ёзганларим шу инсонларнинг руҳини шод этса, ўқиганларга эса ибрат берса мен ана шунисига хурсандман.
Аллоҳ ҳомийимиз бўлсин, ўзи куч-қувват ва илҳом берсин. Ёмон кўздан пана қилиб, яхши кўзларга суюмли этсин. Амийн.
Муаллиф.
Ummuzaynabummuijodi