СЕН БОЛБОСОҢ

Жаштыгымда барың, сезилбей,
Неге деймин ойду, термелей.
Жаш улгайды өргө чамынган,
Өткөн чактын ээси, кимдемей.
Эрке кыял ээрчип өзүңдү,
Өздүгүңдү чындап сүйдүмбү?
Баскан изиң кымбат сезилет,
Баасын билбес өткөн өмүрбү?
Шоктук кыял күндө бийлеген,
Кылыктансаң кантип ийменем.
Кызыгы көп бүтпөс махабат,
Кымбатымсын көңүл экчеген.
Учур экен күндө жоктогон,
Карааныңа жаным токтолом.
Жараткандан белек өзүңсүң,
Сен болбосоң анда, ким болом?
Шермамат Эрмекбаев.
19.07.2025 - жыл.