Предыдущая публикация
КЕЧИККЕН БАКЫТ
Жок - жок кантип эле? Кечее эле бир жакшына көрбөдүм беле? Убакыт токтоп калган сыяктуу эч нерсени көзгө илбей, акылы токтоп калган сыяктуу сезилип кетти. Жанындагы кишинин азыркы айткан сөзү эле жашоосун дүрбөлөңгө салып жибергендей көз алдына ошол сулуусун элестетип алып көчө бойлой теңселе кетип баратты. Ооба азыр эле сүйүктүүсүнө жетин, анын жанында болууну каалап турса, бир туруп түш көрүп жаткандай да ойлоп алды өзүн.Теңселе басып көчө бойлоп жүрө берди. Кандай айла кылаарын да билбей тургандай башы тунжурап акылы кирди чыкты болуп калган сыяктуу. Кечиреек гана кыздын үйүн көздөй кадам шилтеп баратты. Оюнда дале «азыр барсам мени көрүштү каалабасачы анда кантем? Аны менен кантип жолуга алам? » ушул ойлор жигитти санаага салып, тынчы кетип баратты. Кантип кыздын үйүнө да келип калганын билбей калыптыр. Бул учурда түн кирип баштаган.
Алгач кызга адатынча коңгуроо чалды. Бирок эч ким жооп берген жок. Кайра кайра чалынган коңгуроого эч ким жооп бербеген соң шалдайып дубалдын бурчегине отура кетти.
— Билемин атайын коңгуроомду алгың жок, балким мага кападырсын. Бирок азыр сени көргүм келди суранам сенден болгону же коңгуроомо жооп бер. Суранам сенден Сезим!
Акырын телефонун басып билдирүүнү кызга жөнөтө салды. Бул учурда кыз тээ бөлмөсүнүн терезесинен дал жигитти карап турган. Жигиттин өзүн бул абалда көрүүсүн каалаган эмес. Уламдан улам тырмактарынын учтары кетилип сынып, чачтары азайып, жүзүндө кубарып кан калбаган абалга келген кыз өзүн жигиттин алдында мындай туруусун элестете да албачуу. Азыр эле телефонуна келген билдирүүнү ачып окуп алды. Көзүнүн мөлтүр жашы куюла жигитти тиктеп тура берди.
— Жок -жок мен мындай абалда чыга албайм сага кечир мени!
Көзүнүн жашын сүртө терезеден тиктеп тура берди. Бир канча убакыт өткөн менен жигит кетүүчү түрү жоктой отура берди.
Күн күлдүрөп, жанатан кара булут каптаган асман бир заматта жамгырын төгүп жиберди.
Терезесин черткилей тамган тамчыны карай тиктеген кыз жигитти улам улам карап алат. түн уламдан улам кучагын жайа баарын өзүнө камтып турду. Бир гана жигит сыртта, кыз ичкериде көз жаштарын жамгыр менен тең төгүп турушту.
Канча отурганы белгисиз бир убакта үстүнө тосулган кол чатыр жигитти ойдон алаксыта койду. Өзүн тиктеген муңдуу жүз жигитти калп, күчкө салып жылмайып турган кыздын көздөрүнө көздөрү тигиле түштү.
— Сезим!
Оозунан чыккан сөз ушул болду.
— Эмнеге жамгырда отурасыз? Аа кечириңиз жана уктап калган экенмин ошол себептен билдирүүңүздү окуй албапмын, көптөн бери отурасызбы?
Улам улам жерди карай муңдашкан кирпиктерин жашыра, калп сүйлөп алган кызды жигит ичинен аяап кетти.
—Ооба баары жакшы суу болуп калбадыңбы...
Жигит кыздын колундагы кол чатырды ала койо кызга кайра тосо койду.
— Мен азыр эле үйдөн чыкпадымбы баары жакшы менде!
— Жок сен деген кыз баласын да.
Жигит кызды карап сүйлөп алды. Эч нерсе билдирбешке аракет кылган менен, баары бир жигит баарын байкап турду. Көзүндөгү аккан жашын жамгыр жууп кетип жатты.
— Ордуңуздан туруңуз да үйүңүзгө барып эс алыңыз. Башка күнү кезигебиз ээ. Азыр өтө кеч болуп кетти.
Кыз жигиттен көздөрүн ала качып жерге тигилди.
— Абалың жакшыбы?
Жигиттин күтүүсүз суроосуна кыз жигитти телмире тиктеп алды. Ооба ошол бакыракай көздөр жигитти таң кала тиктеп тура кайра жерге карай ирмеле түштү.
— Ооба сиз көрүп турасыз го баары жакшы менде, баары шүгүр менде.
Калптан өзүн мажбурлай сүйлөгөн кыз көздөрүн ала кача алды көздөй кадам таштап алды.
— Неге менден баарын жашырдың? Неге мени алдашка урунасын? Сен үчүн эч ким эмес белем? Же эмне менден ушундай алыстайм деп жатасынбы?
Алды көздөй баскан кызды жигиттин сөздөрү жүрөгүн эзип турду. Зээндүү кыз баарын эле жанатан байкап койгон болчуу. Бирок жигитке үн каткан жок. Тек гана токтогон ордунда тура берди.
Жигит да кыздан жооп болбогон соң акырын жанына басып келе кызга үңүлдү. Ошондо гана кыздын жүзүнөн кулаган тамчы жаштарга күбө боло, жеңин манжасынын жарымына дейре жапкан үстүндөгү күртмөсүн чечип ала колуна тигилди. Назик колдорунда тырмактары сынып түшө баштаган. Көргөн көздөрүнө ишене албай т жанындагы кызды аяп кете кучагына кысып алды. Өксүгөн кыздын ичиндеги жаткан арманы азыр жигитке белгилүү эле. Чачтарынан акырын сылаган кызды азыр эч кайда койуп жибергиси келбей тек гана өмүр бою жанында болгусу келди. Ооба азыр ыйлап бугуңду чыгарып ал. Бирок башка такыр ыйлабайсын. Ичинен ушул сөздөрдү айта бооруна кыскан бойдон көпкө турду.
Жамгыр да аларга шерик боло асмандын түбү тешилгенсип майда жамгыр көпкө себелеп жаап жатты.
Күндөр ушундай өтүп жатты. Эрте менен ойгонгон кыз терезенин түбүнөн дайым сүйүктүүсүнүн өзгөчө белектерине күбө болот. Күндө өзү сүйгөн кооз гүлдөр менен күтүп алат, ары бери бир аз болсо да айлантып келет. Өзү сүйгөн ошол кооз көлдүн жээгине барууну жактырып, ошол жерге да бүгүн барууну ойлоду. Өзүн күзгүдөн карап ала күндөн күнгө арыктай,көздөрү эле калган жүзүн күзгүдөн телмире тиктеп алды.
— Баары жакшы болот. Биринчи жолу аркы жакта турган жүзүнө колдонуучу каражаттар менен өзүн сулуулап жатты. Кооз көйнөгүн кийип ала, жүзүн сулуулоочу каражаттар менен сулуулап койду. Баары бир мурдагыдан алда канча өзгөрө түштү. Кандай соонун ушундай болуп жүрүүгө биринчи жолу ою кетти. Балким өзүм да аракет кылсам баары жакшы болоттур. Бирок кантип? Башка күчү калбаган сыяктуу кыйналып турду. Бала кезден майнап чыкпаган оорудан улам үмүтү үзүлүп калган болчуу да. Телефонго келген жигиттин коңгуроосу ойдон алаксытты. Дароо сыртка көздөй кадам таштай, үстүнкү бөлмөсүнөн түшүп жөнөдү.
— Акырын ачылган чооң дарбазадан чыккан кыз жигиттин акыл эсин тайдырып койо жаздады. Кудум эле периштедей ак көйнөгү өзүнө жарашса, кооз чачы бириндеп, уялыңкы жүзүн улам улам жаба салып, эч кимге көрсөткүсү келбегендей.
Жанына акырын басып келе жалмайган кызды жүзүнөн сүйүп ала, колундагы көтөрүп келген кооз гүлдөрдү кызга суна койду.
— Гүлдөн да сулуусун бүгүн.
Акырын кызды карап жылмайып алган жигит бактылуу эле.
— Бүгүн кайда баралы?
Жигитт кызга карай жылмая суроо берди.
— Мен ошол көлдүн жээгин сагындым. Аябай сагындым. Мүмкүн болсо ошол жерге баралычы.
Жигит каршы болгон жок. Перисин унаага отургуза зуулдаган унаа көчө кезе кетип жатты.
Бир канча убакыттан соң көлдүн жээгине жетип келе унаадан түшкөн экөө жанаша басып баратышты. Мелтиреп үнсүз тим турган көл экөөнү кайгылуудай тосуп алды.
—Кандай керемет көл. Тим эле сөз жетпес ээ
Жигитти караган кыз акырын жигитке башын жөлөй тээ көлдөгү ары бери учуп конуп жүргөн канаттууларга көз чаптырып отурду.
— Сезим сага сунушум бар маакулсунбу айтып көрөйүн?
Жигиттин алыстан сөз баштаганы кызды тынчтандырып да, ойлондуруп да жиберди.
— Эмне сунуш экен?
— Мага сөз бер мага жинденбейм деп.
Жигит алгач кыз кандай таасир алаарын билбей кыжалатка түшүп турду.
—Маакул айтыңыз.
— Мага турмушка чыгышыңды суранам.
— Эмне?!
Бул сөздү чынында күтпөгөн эле. Ооба бул ойлор үч уктаса түшүнө кирчүү эмес.
— Бул эмне сөз?
Кыздын көздөрү жигитти тешип өттү.
— Мен баарын ойлоп көрдүм мен өкүнбөйм. Сен менен өткөн ар бир секундка дагы түк өкүнбөйм. Мен сени бактылуу кылгым келет. Мага турмушка чык.
Колундагы кичинекей кутучаны алып чыгып кызга карай сунду.
— Сен кандай ойдосун?
Жигиттин көздөрүндө катылган ишенимди сүйүүнү окуп турду.
— Мен бирок мен...
— Эч нерсе эмес ал тууралуу ойлобо биз биргеликте албетте бактылуу болобуз.
Кыздын эмне дешин да жигит жанатан билип турган жигит дароо озунуп айта салды.
— Сен албетте айыгып кетесин.
Кыз көзүндөгү жашын сүртө эмне дешин билбей турду. Балким чын эле айыгып кетеермин.
— Мен маакул!
Азыр өзү эмне кылып жатканын да ойлогон жок. Тек гана жигиттин сунушуна маакул дей үн катып, көзүндөгү жашын аарчып алды.
— Чын элеби? - Чын элеби?
Жигит да чынында кыздан мындай жоопко үмүт эткен эмес эле ошентсе да азыркы кыздын сөзү жан дүйнөсүнө кубаныч тартуулап турду.
— Ооба мен макулмун.
Калтыраган колдорун сунган кыздын манжасына жигит акырын белекке алган шакегин тагып койду.
— Ураа - ураа мен бактылуумун.
Жанындагы сүйүктүүсүн так көтөрө кубанычтан жаш балача сүйүнгөн жигит тегеренип көлдү жаңырта кыйкырып -кыйкырып алды. Аны коштой кыздын тунук күлкүсү чыга экөө жаш балача ойноп жүрүштү. Ата энесине да бүгүн эле барып колун сурап келгиси келе кеч кирген соң жетелеше баскан эки жаш кыздын ата энесинин маңдайында турушту.
— Бул эмнеси? Мен түшүнгөн жокмун?
Атанын кабагы бир аз бүркөлө түшүп кайра кызын тиктей жазыла кетти.
— Ооба мен кызыңызды бактылуу кылам. Биз албетте бактылуу болобуз. Ооба баары жакшы болот.
— А сен баары жакшы болооруна көзүң жетеби? Атанын айткан сөзүн дароо түшүнгөн жигит баш ийкеди.
— Ооба албетте баары жакшы болот.
Турмуш миң сыноо салса да, баарын жеңип өтсө болооруна ишенген жигит атанын да макулдугун алып кызга үйлөнмөй болду. Ооба эч кимиси жок жөнөкөй жигит. Бирок сүйүүсү үчүн баарына даяр болгон жигиттин көптөн күткөн күнү келип бүгүн үйлөнүү күнү. Ооба мына мына азыр апакай көйнөк кийинген периштеси экөө түбөлүк турмуш жолго аттанышат. Бул убактар канчалык бактылуу экенин сөз менен айтып жеткирүүгө калемимдин сыясы аздык кылаар.
Көптөн күткөн коноктор, көптөн күткөн улуу күн. Баары жада калса өзү да перисинин чыгышын күтүп мүнөи санайт. Азыр эле колдон алса да бактылуу жактарына алып кетсе. Мына келиндин аты аталып, акырын баскан кыз да ары жактан чыгып, өзү көздөй басып келе жатты.Көздөрү бири бирине кадалып,назик жылмаюусу жигитти андан бетер өрттөп жаткандай. Жанына жеткен кызды акырын колдон жетелеген жигит кызды карап алды. Бирок азыр эле көздөрү күлүп турган сулуунун жүзү кубара, араңдан жылмайып алган кыз өзүн жогото жигиттин колуна кулады.
Баардык коноктордун баары ызы чуу болуша ордунан тура кызга жетип келише айланчыктай калышты.
— Сезим жок- жок Сезим көзүңдү ач.
Колуна так көтөрө шашылган жигит өзү унаасын айдай оорукананы көздөй сапар алды. Артынан атасы менен энеси ээрчише дароо дарыгерге коңгуроо кыла келүүсүн өтүнө шашыла сүйлөп жатты.
— Мен айткан дарекке келиңиз. Ылдамыраак.
Анча алыс эмес чакырымдагы оорукана алып келе шашкан жигит ооруканаы жаңырта сүйлөдү.
— Жардамга жардам бериңиздер.
Аркы жактан кирген ак халатчандар ары бери жүгүрүшө кызды жаткыра алып жөнөштү.
— Мырза ушул жерде күтүңүз бул жакка мүмкүн эмес.
Дароо эшигин жаап салган ак халатчанды жалдырай тиктеген жигит шалдайып отура кетти.
— Жок жок баары жакшы болот. Баары жакшы болот. Кайра ордунан тура, ары бери, басып жүрө берди.
— Эмне болду кызым кандай?
Аркы жактан кирген ата менен энени күтүп ала үн катты.
Жандандыруу бөлүмүнө алып кирип кетишти.
Жигит көңүлсүз үн катып ордуна отура кетти
Баары шашкалактап ичкеридеги дарыгерди күтүшкөн менен бирок кечиккенден кечигип жатты. Бир аздан соң эшик ачыла дарыгер чыга чекеден тиктеп алды.
— Оруулуунун кимиси болосуздар?
— Биз үй бүлөсү мен атасы.
— Анда кеп мындай бүгүндөн калбай операция жасатуубуз керек болбосо кеч болот. Бирок айыгып кетишине кепилдик бере албайбыз. Миңден бир гана үмүт бар. Ойлонууңуздарга убакыт. Беш минуттан соң жооп бересиз деген үмүттөмүн.
Башка аргалары жок. Айла жок. Макул болуша кол койуп беришип баары алдыдагы чоң операциядан үмүт кылыша отуруп калышты. Бир аздан соң келген дарыгер баарын жайлаш ала кызды операция бөлүмүнө алып жөнөштү.
— Сезим... Сезим сен албетте көзүңдү ачасын. Сен албетте жашашың керек.
Эч нерсени билбей таттуу уйкуда жаткан сулуусунун колдорунан мыкчый кармаган жигит калып кетти. Көздөрүнөн жаш аккан жигитти каруусунан катуу кармаган колдор токтотуп калды.
— Сабыр кыл! Баары жакшы болот.
Атасынын үнү жигитти токтотуп ары карай алып кетти.
Мындай убакта минут да созулуп калат эмеспи. Канчалык күткөн менен убакыт кечеңдеп, баары элейип жалгыз эшикти тиктешкен менен же ал жактан бир жооп болсочу. Канча убакыт өттү ким билет, бир убакта кыйч ачылган эшик, андан чыккан ак халатчан дарыгерди жабалактай шашып барыша суроо узатып жиберишти.
— Эмне болду кызымдын абалы?
Атасы шашкалактай дарыгерди колдон тартты.
Баарынын көзүндө жанган үмүт бир гана дарыгерде болуп турду. Бир саамга үн катпаган дарыгер баарын кыдыра тиктеп алды.
— Кызыңыздар эрктүү экен. Коркунуч артта калды.
Алда байкуш кызым ай. Акыры жеңди.
Эненин көл болгон көз жашы кубанычтан төгүлүп турган эле.
— Буйруса дагы бир операциядан соң биротоло айыгып кетүүсүнө үмүт бар. Эң башкы коркунучу артта калды.
— Азыр көрсөм болобу?
Шашкалактаган жигит дарыгерге суроо бере кайрылды.
— Жок жигит! Азыр бир аз эс алып жатат уктап. Канына куюлган дары бир аз таркашы керек. Эртең көрө аласыздар.
Дарыгер андан ары жолун улай кете берди. Ата энесин үйүнө жөнөткөн жигит өзү түнү менен ооруканада таң атырды. Баары жакшы болот коркунуч артта калды. Ичинен ушул болсо да шүгүр деп алды.
Элесинде сулуу ак көйнөктө кайра турган сулуусун көрө бактылуу болуп койду.
Бир канча жыл өткөн соң мотурайган бөбөктөрдү жетелеген экөө ошол эле сейил бакты аралай кетип бара жатышты. Ооба дал ушул жерде ошол көргөн сулуу келин эсине түшө, өзүнүн айткан сөзүн эстеп алды.
— Ооба мен да дал ушундай бактылуу болом.
Жанындагы сүйүктүү жолдошунун колун бекем кармай, ыраазы болуп кетип баратты. Баарына түткөн жолдошу менен өткөн күндөрүн эсине түшүрүп алды. Ооба операциядан да биринчи өмүрүн кайтарган дал ушул жолдошу сыяктуу элестеп алды. Анткени түйшөлүп күн түн кошо ооруган жолдошу таштап кеткен жок. Сүйүүсүнө бекемдиги менен бакыттын туу чокусуна жетееринен үмүт үзбөгөн болчуу.
Аягы
Урматтуу замандаш. Аз сандуу бул чыгармада бакыт эмне экенин айткым келди. Бакыт бул биринчи ден соолугуңуз. Андыктан өмүрдө эч качан чөкпөңүздөр эч качан кайгы түшпөсүн. Анан сабырдык менен баарын жеңиңиздер. Балким сүйүктүүңүз кечигип жатса жөн гана жакшы тилек кылып койуңуз. Балким кечиккен бакыт сизге түбөлүктүү болуп келе жаткандыр. Көңүл бурганыңыздар үчүн терең ыраазычылык билдирип сиздерге бакыт тилеп калам. Менин сүйүктүү окурмандарым Бар болуңуздар
Следующая публикация
Нет комментариев