Эй маҳи пурнози ман, аз ман ту розам, бурдаӣ.

Ҷуз ба таҳсин ман чи гӯям , эътирозам бурдаӣ.
Пас намегардам зи ишқат, рафтаам, роҳи дароз,
Эй маҳи пурнози ман , роҳи дарозам, бурдаӣ
Дар самои ишқ будам , ҳамчу мурғони қафас,
Лек андар роҳи ишқат , ҳамчу бозам, бурдаӣ
Бо вуҷудат гаштаам ман аз муҳаббат бениёз,
Эй, ки андар роҳи ишқат , бениёзам , бурдаӣ
Бехудам аз он ду чашми пурхуморат нозанин,
Бо нигоҳи ноз - нозат , нағмасозам , бурдаӣ
Бо умеди гармиҳои оғуши ту рафтаам,
Чун ба ин роҳи дароз , оғӯш бозам бурдаӣ
Дилхуш аз меҳру навозиши ту ҳастам, дилнавоз,
Чун ба меҳри дилнавозат, дилнавозам, бурдаӣ.
Ҷуз ғами ишқат надорам, ман дигар сӯзу гудоз,
Эй маҳи пурнози ман , сӯзу гудозам, бурдаӣ
Ғезанӣ аз меҳри дилҷӯи ту бошад , сарфароз,
Эй, ки андар роҳи ишқат, сарфарозам бурдаӣ