«Пĕрремĕш юрату»
(Музикипе сăвви Ирина Кораблёвăн)
1.Астăватăп эп,
Хальхи пек астăватăп
Пĕрремĕш тĕлпулу,
Шап-шурă лантăшсем
Мĕн пулчĕ-ши пире, кала
Чĕнмесĕр ан тăрсам, кала
Сӳнеҫҫĕ туйăмсем, ах шанчĕҫ чечексем
Суя ҫеҫ пулчĕ юрату
Хушса юрламалли:
Ирхи шуҫăм ҫутине
Никам тытса чараяс ҫук
Кĕмĕл сывлăм шăрҫине
Сан пек никам мана парнелес ҫук
2.Парнелерĕн эсĕ,
Мана ҫеҫ парнелерĕн
Асамлă каҫĕсен
Ҫут ҫăлтăр кăшăлне
Мĕн айăп турăм-ши, кала
Итлетĕп пĕр сана, кала
Хĕвелĕ ăшăтмасть, ах сивĕ-ҫке чунра
Шур юр ҫеҫ пулчĕ юрату
3.Каҫар мана
Савма пултараймастăп
Пĕрремĕш юрату
Сим пыллă тутусем
Мĕн пулчĕ-ши пире, кала
Чĕнмесĕр ан тăрсам, кала
Шап-шурă лантăшсен, шăршийĕ урăх ҫук
Сивĕ аркатрĕ вĕсене
«Ай-хай тăвансем»
(Алексей Шадриков, Петр Ермолаев тата Андрей Шадриков)
1.Шурă тутăр хитре теҫҫĕ,
Шурă тутăр хитре теҫҫĕ
Хитре чух ҫыхса юрлар,
Хитре чух ҫыхса юрлар
Ай-хай тăвансем,
Ай-хай тăвансем
Юрламасăр ан тăрар,
Юрламазра ан тăрар
Ай-хай тавансем,
Ай-хай тавансем
Ташламасăр ан тăрар,
Ташламасăр ан тăрар.
2.Ҫамрăк ĕмĕр кĕске теҫҫĕ
Ҫамрăк ĕмĕр кĕске теҫҫĕ
Выляса кулса юлăр
Выляса кулса юлăр
3.Улма-пахчи лайăх теҫҫĕ
Улма-пахчи лайăх теҫҫĕ
Улма ҫеҫкене ларсан
Улма ҫеҫкене ларсан
4. Пирĕн пурнăҫ лайăх теҫҫĕ
Пирĕн пурнăҫ лайăх теҫҫĕ
Тăвансем пĕрле пулсан
Тăвансем пĕрле пулсан