*ТИКТОК ЖОГОЛСУН*

Көргөндө келет биир жиним,
Кээ кезде көргөн жиндимин.
Тим эле миллярд берсе да,
ТикТокту жапсын бийлигиң.
Түз эфир ачат, кошулат,
Топтолот баары топурап.
Окуучу китеп окубай,
ТикТокту тиктеп отурат.
Ким айтты кайдан калп чыкты,
Кана айтчы ушул салттыкпы,
Утулуп калдым деп бири,
Тагыптыр эмчек тарткычты.
Отуруп дагы бүткөм деп,
Түрмөгө дагы түткөм деп.
Да бири чыгат жалжайып,
Карышкыр сүтүн ичкем деп.
Сөгүшөт эфир, урушат,
Жиндидей болуп турушат.
Жаш балдар, окуучулардын,
Психика жагын бузушат.
Калемим кыя чабаарда,
Көрүшсүн баары алар да,
ТикТокту ээлеп алышкан,
Таксырлар атинчалар да.
Жан дүйнөлүктөн жардыңар,
Журтума мүшкүл салдыңар.
Кытайдан келген ТикТокко,
Жабышып баарың калдыңар.
Айдашат сөгүү кемесин,
Оозго алгыс айтып жемесин.
Боозутуп жүрөт эфирде,
Бири бири апа энесин.
Кыскасы айттым бүт жокту,
Мага не башка иш жокпу.
Келечек муунду ойлосок,
Жок кылсак болмок ТикТокту.
Ушу сайт көзү оюлсун,
Түбүнө чекит коюлсун.
Бир баляя кылып уланткан,
ВПН кошо жоюлсун.
Оюмду баары укса дейм,
Айтканым анык бышса дейм.
Китепкөй болуп балдарым,
Маймылдай эмес, ТикТокчу,
Адамдай болуп чыкса дейм!!!
*МАЛИК НАЗАРМАТОВ*!!!