***************

Маучав...
Маучав, аьзизмув,
духларгссар куну ,
Жулла ччаврил хьхьурду
махъ лирч1ссар куну,
Макьут1ав дяркъусса
харжан дак1ниц1ун,
Ччаврил т1ут1ив утти
кьаркьуссар куну.
Маучав ччаврил баргъ
левщуссар куну,
Эшкьилул ламурду
левкьуссар куну.
Маччуччав Мажнуннул
мусийл хияллу,
Тай ххаллил кьинирду
къурталссар куну.
Маучав ччаврил ц1у
кьадагьссар куну,
Асардугу ч1умул
ччувччуссар куну.
Икрам бува ччаврийн
бувну суждагу,
Маул х1аят х1арч1сса
рувх1ри увкуну.
********************
Я, Аллагь, дак1ниймув
бартбигьлай ити,
Миллатран къуллугърай,
икрамрай ити.
Хъун Судрал Кьинигу
алжан буллуну,
Багъишла бувмийннал
хьхьич1- хьхьич1 най ити.
Х1алалсса кьисматрай
зий- занай ити,
Аллагьнайн щукрулий,
зикрилий ити.
Ивч1анна лявхъусса
пана аьрщарай,
Гьаттал ккурккайн иян
ликкурттай ити.
*************"**********
Бутлай ура оьрму,
ццах бур дак1ниву
Лаглай дур ххуй ч1унну,
х1айп бур дак1ниву.
Дах1алай т1ий ура
вищалсса ч1унну,
Ттигу ччаврил ччучлан
мякь бур дак1ниву.
"*"*"*"*"*"*"*"*"*"*"*"*"*"*
!!!!!!!!!!!!!!!!!!!!!!!!!!!!!!!!!!!!!!
Х1адисхъал Х1адис
22-10- 2025 шин.