Ուզում եմ նորից, ես նորից ծնվել,

Նորից մանկանալ ու մորս գրկել.
Ուզում եմ դառը անցյալս ջնջել
Ու Աստծուց մի նոր, քաղցր կյանք խնդրել:
Ուզում եմ այնքան երջանիկ լինել
Ու իմ նոր կյանքում կյանքը շատ սիրել,
Որ ինձ շատ սիրեն, որ ես շատ սիրեմ
Ու լուսաբացին աչքս չոր բացեմ.
Որ չտառապեմ իմ այդ նոր կյանքում
Ու գիշերները չանցկացնեմ արթուն.
Որ այսպես ծանր կորուստ չունենամ
Ու հուսահատված անվերջ լամ ու լամ…
Ազնիվ Պետրոսյան