Коңшу айылдан бир көз ирмемде унаада баратып ашык болгон кызды эңсеп жазган ыр.

Мен кайдан кездештирем.
Маанилүү иштер менен жүргөнмүн коңшу айылда
Жумушум бүтүп анан чыкканмын өз айлыма.
Капыстан көздөрүмө урунду татына кыз,
Карегим талыгыча тиктедим азгырыла.
Жарашып узун чачы келишкен келбетинен,
Гүл сымал турушу да күнүмө теңдештирем.
Азгана көрүп калдым ай сындуу жамалыңды,
Ашыгым эми сени мен кайдан кездештирем.
Билбепмин буга чейин сүйүүнүн таттуулугун,
Көрүүгө зармын азыр, а көрсөм бактылуумун.
Ашыктык адамзатты акылдан алат тура,
Ысыгын билбептирмин бир көрүп жактыруунун!