ЖАННАТ ҚАСРЛАРИГАЧА КЕЛТИРИЛИБ, ЖАННАТГА КИРМАСДАН ДЎЗАХГА КЕТАДИГАН ТОИФА

-----------------
Адий ибн Ҳотим розияллоҳу анҳудан ривоят қилинади:
“Бир тоифа одамларни дўзахдан жаннатга олиб бориш буюрилади. Улар жаннатга яқинлашиб, унинг бўйларини ҳидлаб, ундаги қасрлар ва Аллоҳ жаннат аҳли учун ҳозирлаган неъматларни кўришгач, “Уларни жаннатдан буриб юборинглар, у ерда уларга насиба йўқ”, деб нидо қилинади.
Шунда улар: “Парвардигоро, бизга жаннатингни ва у ерда дўстларинг учун ҳозирлаган нарсаларингни (ноз-неъматларингни) кўрсатмай туриб дўзахга киритганингда эди, бизга осонроқ бўларди”, дейишади.
“Мен сизларга шуни ирода қилдим, – дейди Аллоҳ. – Чунки сизлар ёлғиз қолганингизда, улкан гуноҳлар билан Менга қарши чиқдингиз ва одамларга йўлиқсангиз, уларга итоаткор – тақводор бўлиб кўриндингиз. Инсонларга қалбингиздан Мен учун берган нарсаларингизнинг тескарисини кўрсатдингиз. Одамлардан қўрқдингиз, Мендан қўрқмадингиз. Одамларни улуғладингиз, Мени улуғламадингиз. Одамларни деб (гуноҳни) тарк этдингиз. Мана бугун сизларни савобдан маҳрум этганимдек, аламли азобга гирифтор қиламан”.
Аллоҳим бизларни шунақа тоифадан бўлиб қолишдан ўзинг асра. Гуноҳларимизни ўзинг авф эт. Жаннатни насиб айла.
-------------- / / / / *******
МАЙЙИТ ДУНЁГА ҚАЙТАРИЛСА...
•••••••••••
Ҳасан Басрий (раҳимаҳуллоҳ) маййит дафн қилингандан кейин қабр олдида туриб, ёнидаги кишига шундай деди:
•
- Нима деб ўйлайсан ,агар бу маййит дунёга қайтарилса, нима қилган бўларди? У киши:
- Албатта истиғфор айтган, намозини адо қилган ва яхшиликларни кўпайтирган бўларди,- деди. Шунда Ҳасан Басрий:
-У ўтказиб юборган бўлса, биз ўтказиб юбормайлик,- деди.