~"КУЛК-МУНОЗУНДУН ЖАКШЫЛЫГЫ МЕНЕН СЫЙМЫКТАН.

АНТКЕНИ, АНЫ ОЗУН ОНДОЙСУН!"~.
Психология сабагында мугалим студенттерге 100 долларды көрсөтүп: "Муну ким каалайт"-деди.
Студенттердин бардыгы колдорун көтөрүштү.
Андан кийин акчаны колу менен бырыштырып "ким каалайт?"-деди. Студенттердин бардыгы колдорун көтөрүштү.
Андан кийин акчаны жерге таштап, буту менен тепсеп: "ким каалайт?"-деди. Студенттердин бардыгы колдорун көтөрүштү.
Мугалим студенттерге: "Бул бүгүнкү сабагыңар"- деди.
Акчаны колу менен бүрүштүрсө да, буту менен тепсесе да акча өз баалуулугун жоготкон жок.
Ошондуктан, адамдар сени канчалык басынтышса да кемсинтишсе да, сени канчалык шылдыңдашса да, сени канчалык жамандашса да, сага көңүл бурушпай кош көңүл мамиле кылышса да - Кудайдын астындагы баалуулугуңа эч ким таасирин тийгизе албастыгына ишен!!!
Өзүңө ишенгин!!!
Алар айтышат: Кудайдан башка таянары жок, "байкуш "-дешет. Балким алар өздөрү байкуш. Анткени, алар аны түшүнүшпөйт. Ким Кудайды тапса, бардык нерсени тааптыр. Ким Кудайды жоготкон болсо, анда ал бардык нерсени жоготуптур. Ким Кудай менен дос болсо, ага эч ким душмандык кыла албайт. Кимге Кудай каршы болсо, аны эч ким Кудайдын азабынан сактай албайт.
Өзүң кылбаган нерсеге сыймыктанба!
Сулуулугуңа суктанып, аны менен сыймыктанба! Анткени, аны сен жараткан эмессин.
Ата-тегиң менен сыймыктанба! Анткени, ата-тегиңди өзүң тандап алган эмессин.
Тынчсыздануу термелип турган отургуч сыяктуу, сени термелтиши мүмкүн, бирок эч жерге, эч бир максатка жеткире албайт.
Мүнөзүм жаман деп эле бардык адамдарга орой мамиле кыла бербе! Адамдардын бардыгы апаң сыяктуу эмес сени түшүнө турган.
Кээ бир адамдар менен маектешсең даражаң көтөрүлөт. Кээ бир адамдар менен сүйлөшпөй койсоң даражаң көтөрүлөт.
Нафил намаздарда
Аллах Тааладан муктаждыктарыңды сурап бүтмөйүңчө, саждадан башыңды көтөрбө!
Адамдардын бардыгына өзүңдү сүйдүрө албашың мүмкүн, Бирок,бардык адамдардын сый-урматына ээ болсоң болот.
Ким ортосунан экиге айрылып калган акча сыяктуу эки жүздүү болуп калса, анда өмүрүнү адамдардын чөнтөгүнөн-чөнтөгүнө өтүп жүрүп өткөрөт...
Бардык адам баласы ката кетирип, күнөө ишке түшүп калуусу мүмкүн...
Ката кылган адамдар эки түрдүү болушат.
1. ката кылып күнөө ишке түшүп калат да, катасына өкүнөт.
2. күнөө кылып, катасын мойнуна албай ар кандай шылтоолорду айтат.
Өз көзүң менен көрбөгөн нерсеге, тилиң менен күбөлүк бербе!!!
Эки түрдүү адам менен мамилең уланышы мүмкүн:
биринчиси: Сага ишенген.
экинчиси: Сени сыйлаган.
Тамеки тартуу, адамдын эркек экендигин далилдебеген сыяктуу.
Эки эринди кызартып боёп алуу, адамдын аял экендигин далилдебейт.
Ар-бир эркек өзүнүн эркек экендигин далилдеген иш менен, ар-бир аял өзүнүн аял экендигин далилдеген иш менен алек болуусу зарыл.
Адамдар айткан сөз чоң таш сыяктуу, же ал ташты көтөрүп белиңди сындырып аласын, же ал ташты астыңа коюп өйдөгө көтөрүлөсүн.
Өзүң жазганыңа карабай биринчи жолу окуганда таң кала турган китеп - өзүң жазган китеп. Аны кыямат күнүндө окуйсуң. Ошондуктан китебиңди жакшы жаз!
Бир киши олуяга келип: "Эгер Раббың тагдырдын жебелери менен ата турган болсо, андан кантип кутула алам?" - деп сурады. Олуя: "Жебе менен атуучу Раббыңдын жанында болсоң кутуласың" - деп жооп берди.
✏ Абдышукур ажы Нарматов