То он даме ба синаам ин дил тапиданист,

Ишқи туро ба қиммати ҷонам хариданист.
В-ин чашми интизор ба як иштиёқи том,
Рӯйи туро ки ҳеҷ надидаст, диданист.
Гӯше, ки беш таъну маломат шунидааст,
Боре садои фораму ҳарфат шуниданист.
В-аз дард ин димоғи нафасгиргаштаам,
Атру насими беҳ зи гулатро шамиданист.
Аз ин замин, ки қисмати моро бурида сохт,
Ин ҷони пуразоб худашро буриданист.
Он рӯзро, ки меравӣ аз қалби хастаам
Чашму равони Ҳотамӣ ҳаргиз надиданист.
Ғайратҷон Ҳотамӣ