Апа

Денемдесиң каны болуп тамырдын,
Дилимдесиң шаңы болуп жаңы ырдын.
Алыс жерде жүрөктү эзип кусалык,
Апа, сени ушунчалык сагындым.
Балалыктын кайып болуп карааны,
Алды жакта турат турмуш даваны.
Бүт өмүргө кубат экен ойлосом,
Ак сүтүңдүн касиетүү даамы.
Караан-жүзүң күндөн дагы жылуу мага,
Кандай бакыт үнүңдү угуу гана . Алтымыш миң ааламды жарык кылат.
"АПА" деген атаңдын нуру гана.
Нуржигит Кадырбеков
АПАКЕБАЙ жөн эле карааныңды сагындым...