МЕРЭЭЗ СҮЙҮҮ

Кеткенди кайрый албайм,
Көз жашың аарчый албайм.
Кемчилик кимден кетпейт, а бирок,
Кечир деп мен да айтпайм.
Себебин сен билээрсиң,
Сезимди тепсегенсиң.
Сүйүүмдүн баркын билбей,
Сен неге эрмектедиң.
Мен сен деп жүргөн элем,
Мээримиң күткөм сенден.
Мерээздик кылып койдуң,
Мейли эми кош жан эркем.
Кайрылып келбес болдум,
Кайыр кош эсен болгун.
Канчалык сүйсөм дагы,
Карайдым мерээз болдум.
Автор Мидин Каимов 23 11 2015