Наврӯзи ноз омад,гул ноз мекунад боз, Бо ноз сураташро пардоз мекунад боз.

Бо шарми духтарона,бо лаҳни дилбарона, Оҳанги ошиқона оғоз мекунад боз. Шевотарин тарона,ширинтарин фасона, Аз шираи забонаш овоз мекунад боз. Бо шавқи роз гуфтан,бо шеваи шукуфтан, Чашмони ошиқонро ӯ боз мекунад боз. Дар тан либоси атлас чун духтарони наврас, Бо боли орзуҳо парвоз мекунад боз. Эй мутрибон навозед,эй ошиқон бисозед, Гул ноз мекунад боз,эъҷоз мекунад боз! Наврузатон фирузу хар рузатон Навруз бод!