Предыдущая публикация
Кимлар учун югурдим елдим,
Товонимга тўлди тиканлар.
Бу дунёда кўп экан билдим,
Яхшиликни билмайдиганлар.
Олиб чиқсанг дарёдан омон,
Ниш урармиш елкангга чаён.
Чаёндан ҳам бўларкан ёмон,
Яхшиликни билмайдиганлар.
Борингни ҳеч кўролмас экан,
Йўғингни ҳам беролмас экан.
Бир кунингга яролмас экан,
Яхшиликни билмайдиганлар.
Қўйни берсанг агар эхсонга,
Қарзсан деркан энди арқонга.
Рости тегиб кетаркан жонга,
Яхшиликни билмайдиганлар.
Қўйгин шоир бунча куйма бас,
Яхшилик қил қилсанг беғараз.
Худо билсин, билмаса билмас,
Яхшиликни билмайдиганлар.
Присоединяйтесь к ОК, чтобы посмотреть больше фото, видео и найти новых друзей.
Комментарии 8