Криштиану Роналду: «Пересни ўрнида бўлганимда мен билан 10 йиллик шартнома имзолардим»
«Реал» ҳужумчиси Криштиану Роналду клуб билан шартномасини узайтириш борасидаги гап-сўзларга изоҳ берди.
«Бундан хабарим йўқ. Шартнома ҳақида кўп ёзишяпти, ўшалар билишса керак. Переснинг ўринда бўлганимда, мен билан 10 йиллик шартнома имзолаган бўлардим.
Айни дамда келажагимни фақат «Реал» билан боғлаяпман, шу ерда фаолиятимни якунламоқчиман. Бу дунёдаги энг яхши клуб, унда энг кучли футболчилар тўп суриши керак» - деди Роналду.
Португалиялик футболчини «Реал» билан тузган шартномаси 2018 йилда ўз ниҳоясига етади.