Вазорати умури дохилии Тоҷикистон мегӯяд, ҳеч гуна дастури расмӣ дар бораи иҷборӣ тарошидани риши сокинони кишвар вуҷуд надорад ва ҳар касе ин корро мекунад, бояд худаш ҷавобгӯ бошад, на вазорат. Ҷалолиддин Садриддинов -- сухангӯи вазири умури дохилӣ, 21 апрел ба Радиои Озодӣ гуфт, танҳо ба маъмурони пулис дастур шудааст, миёни ҷавонон "корҳои фаҳмондадиҳӣ" бубаранд, ки ҳангоми гузоштани риш бодиққат бошанд ва онро ботартиб гузоранд. Садриддинов афзуд, "аммо ҳеч гуна дастур ба шӯъбаҳои умури дохилӣ дар шаҳру навоҳии кишвар барои тарошидани ҳатмии риш дода нашудааст." Ӯ ҳангоми сӯҳбат бо мо пинҳон накард, ки вақтҳои охир ба худи вазорат низ дар бораи маҷбуран тарошидани риши мардон шикоятҳо мерасанд ва ҳоло онҳо дар дасти баррасиянд. Ин дар ҳолест, ҳамагӣ як рӯз пеш дар шабакаи иҷтимоии Ютуб навори баҳси маъмурони пулис бо як марди ришдор, ки зоҳиран тоҷир аст, пахш шуд ва бо вокунишҳои тунд рӯбарӯ омад. Дар навор дида мешавад, пулис ба тоҷири ришдор мегӯяд, "ҳозир ришҳота қоқоқоқ метарошам. Ришата гир, дигар набинам." Ҷузъиёти ин навор, ки кай ва дар куҷо сабт шудааст, дақиқ нест. Вале дар навор дида мешавад, миёни маъмурони пулис ва ду зани ҳамроҳаш, ки яке ҳиҷоб дораду дигаре – не, низ баҳс идома мекунад ва дар охир маъмурони пулис ҷавонро "ин ҷо биё, ин ҷо биё"-гуфта аз гарданаш гирифта, мебаранд. Ин ҳодисаи аввал дар масъалаи иҷборӣ тарошидани риши мардон дар кишвар тайи як моҳи охир нест. Дар аввали моҳи ҷорӣ Рустам Гулов -- ҳомии ҳуқуқ, корманди ГИТ "Аксент" ва узви Шӯрои ҷамъиятӣ оид ба ислоҳоти пулис ба вазири корҳои дохилӣ Рамазон Раҳимзода аризаи шикоятӣ навишт, ки маъмурони милиса ришашро, ки чандон баланд набуд, маҷбурӣ тарошидаанд. Ӯ гуфта буд, рӯзи 2 апрел дар мавзеи бозори "Панҷшанбе"-и Хуҷанд маъмурони пулис маҷбурӣ ба шӯъбаи корҳои дохилӣ бурда, ришашро гирифтаанд. Ин ҳомии ҳуқуқ гуфт, “вақте ба шӯъба дарованданд , дар онҷо тӯдаи мӯй буд ва тахминан 200-250 нафарро алакай дар ин хонача “риштарошон” карда буданд.” Аз ин пеш, рӯзи 1 апрел, Лутфулло Бобобеков, як сокини 38-солаи шаҳри Панҷакент низ ба Радиои Озодӣ гуфта буд, сафари ӯ ба шаҳри Хуҷанд бо моҷарое бо кормандони милиса бадал шудааст. Ин сокини ҷамоати Халифабобои шаҳри Панҷакент гуфт, ба ҳангоми гаштугузор дар бозори “Панҷшанбе” ӯро як ходими милисаи шӯъбаи умури дохилаи шаҳри Хуҷанд боздошт карда ба идора бурд ва он ҷо, ба гуфтааш, бо зӯр ришашро тарошидаанд. Ба гуфтаи нозирон, нигарониҳои мақомот аз афзоиши ақоиди тундгароии мазҳабӣ, ҷалби ҷавонон ба гурӯҳҳои тундрав ва таҳдидҳои афзояндаи созмонҳое мисли “Давлати исломӣ” боис шудааст, ки ҳатто мавзӯи таваҷҷӯҳи занон ба пӯшидани либоси исломӣ ва андозаи риши мардонро зери назорат бигиранд. Айни замон, ин ташаббусҳо чун дахолат ба ҳаёти шахсии шаҳрвандон интиқод мешавад
Присоединяйтесь к ОК, чтобы посмотреть больше фото, видео и найти новых друзей.
Комментарии 2