ამ სეზონში გასაკვირი რამ ხდება – ბოლო წლების განმავლობაში პირველად, “მანჩესტერ იუნაიტედი“ და “მილანი“ არ იღებენ მონაწილეობას ევროთასებზე.

კლუბებმა გადაწყვიტეს პაუზის გამოყენება და შემდეგ წელს ამხანაგური მატჩის გამართვა. შეხვედრა გაზაფხულზე უნდა გაიმართოს, ადგილზე და კონკრეტულ თარიღზე კი, მხარეები ამ მომენტში ცდილობენ შეთანხმებას.საკონტროლო თამაშის გასამართად სტადიონის რამდენიმე ვარიანტი არსებობს. განიხილება ინგლისის, იტალიისა და სხვა ქვეყნების შესაძლებლობა. გავრცელებული ინფორმაციის თანახმად, კლუბების ხელმძღვანელობები, პრაქტიკულად, სრულად შეთანხმდნენ და მალე საბოლოო გადაწყვეტილებასაც გაგვაცნობენ.მილანური გუნდის დირექტორი, უმბერტო განდინი, ადასტურებს ინფორმაციას, რომ მოლაპარაკებები უკვე რამდენიმე კვირაა გრძელდება და ორივე მხარე დაინტერესებულია ასეთი მატჩის გამართვით.