Үтә көннәр...

Айлар, еллар үтә...
Ашыкма син, яшьлек, китәргә...
Күңел күге аяз, һәрчак матур,
Ямь өстәлә, җәйләр җитә дә...
Сабыр итче вакыт... Ашкынмачы...
Туктап тор тик, яшьлек язында!
Сәгать теле саный минутларны,
Йөрәк унсигездә һаман да!
Яшьлек бит бер киткәч чыкмас каршы,
Тиле күңел эзләп йөргәндә.
Кире кайтып булмас... Юллар бикле...
Ак бәс төшкән йөргән эзләргә...
Сихри хисләр күтәрә күкләргә,
Кайтаваз яшьлеккә эндәшә.
Күңел оча, хыял канатлана,
Чикләнмәгән аның яше дә...
Картаймас йөрәккә ни аерма!?
Картлык, яшьлек - мәңге бер яшьтә!
Рәсилә Юсупова