І ПЕСНЯ, І ПАМЯЦЬ – ЖЫВЫЯ 27 чэрвеня пайшла з жыцця ўдзельніца народнага фальклорнага ансамбля “Горскія харашухі” Горскага СДК Раіса Рыгораўна Шатрукова. Пазнаёміцца з Раісай Рыгораўнай мне, як і маім сяброўкам па песнях, давялося ў 1989 годзе, калі ўзнікла ідэя стварэння спеўнага гурта вёскі Горы. Тады гэта жанчына як раз пераехала ў нашу вёску з Новага Свету і была прызначана дырэктарам Горскага СДК. Раіса Рыгораўна адразу падхапіла ідэю стварэння спеўнага калектыва, бо і дагэтуль спявала з вясковымі жанчынамі ў сваёй былой вёсцы. Ды і як было не згадзіцца, калі жаданне спяваць валодала ёй з дзяцінства, і голас яна мела чысты, моцны і прыгожы, вылучаў яе і добры музычны слых. З першых ако