Ата журт

Ата конуш, алтын уя, ыйык жер
Жаралдык сенден сокту жүрөктөр
Арча бешик, алтын өргө, асыл журт
Карылардан кабыл болуп тилектер
Коломтодо ырыс толуп жайнаган
Түркүн куштар, булбул таңшып сайраган
Кумар жазып тулпар чапкан ыйык жер
Мээрим төгүп бакыт нурун байлаган
Таза аба таң жок сенин таңыңдай
Алыс кетсем кантип турам сагынбай
Элиң сонун акылмандуу ата журт
Ынтымагың жазгы жумшак жамгырдай
Кутман жерим бак уюган төрүңө
Кыдыр түнөп кут жулоолоп элиме
Улуу тоолор ак мөңгүнү жамынган
Улуу элим жашайт сенин көзүңдө
Жай турмуш кайыгында чайпалып
Жомок жашоо сенден гана байкалып
Кудай сүйүп кут даарыган кымбат жер
Абаң дары, булагыңдан бал тамып
Дайырбек Орозакунов
Ат-Башы
13.01.2022.