Աշխարհի մի հին անկյուն
Փշալարով է պատվել,
Ուզում են ցեղերն օղուզ
Ազատությունը խեղդել։
Ջնջել հայոց պատմություն,
Քանդել թե՜ վանք, թե՜ տապան,
Բայց որտեղ ոտք են դնում,
Խոյանում է հին խաչքար։
Ստեղծեցին մի առասպել,
Հրամցրին աշխարհին,
Խավիարով կարմիր, սեւ
Երախները փակեցին։
Կողպած փայտե դագաղում
Արդարությունը փոշոտ,
Դեպ գերեզման են տանում
Թուրք օղուզներն անամոթ։
Փոսի առջեւ խորխորատ
Ամուր կանգնած ԱՐՑԱԽՑԻՆ
Մաքառում է, որ հանկարծ,
Խիղճը հողում չթաղվի։
Թե մենք հիմա չբանանք
Ճեպռոտ աչքերն աշխարհի,
Կննջի հար հավիտյան
Արդարությունն անձկալի։
Փշալարով է պատված
Աշխարհի մի հին անկյուն,
Տյարք անարդար ու ագահ,
Անտարբեր կոչ են անում...
Բելա Սահակյան
Արցախ
20. 01. 2023 թ.
Հ Գ
41 օր է գերեվարված է 120 000 ուժեղ հայ, որոնցից 30 000֊ը՝ ուժեղ երեխա։ 21֊րդ դարը իրավունքների դար է, մի՞թե ամեն ինչ ծառայեցվում է սեփական շահին։
Բացեք կյանքի ճանապարհը, փրկենք Արցախը։
Присоединяйтесь к ОК, чтобы посмотреть больше фото, видео и найти новых друзей.
Нет комментариев