А самае галоўнае - ад сумеснай паездкі з вядомай беларускай пісьменніцай, Казачнай Феяй - Кацярынай Хадасевіч - Лісавой на Барысаўшчыну. Мае калегі - бібліятэкары даўно мелі вялікае жаданне сустрэцца з Кацярынай Станіславаўнай і пазнаёміць навучэнцаў школ з яе творчасцю. І вось, напярэдадні Тыдня роднай мовы, у святы Дзень Стрэчання (што азначае сустэчу) мара здзейснілася!) Мы пабывалі ў школах №№2 і 18 і Старабарысаўскай сярэдняй школе.І калі з раніцы неба было хмурым, то апоўдні, на парозе вясковай школы з-за хмар раптам з'явілася сонца, як бы сімвалізуючыгэтым прыезд сонечнага чалавека да вясковых дзетак! Усе тры сустрэчы прайшлі на высокім эмацыйным ўздыме, дзякуй адміністрацыі школ і бібліятэкарам, і настаўнікам пачатковых класаў. У адной з школ дзеці "засыпалі" Кацярыну Станіславаўну пытаннямі, у другой - набывалі з вялікім жаданнем кнігі (і не па адной!), атрымлівалі сувенірныя падарункі ад пісьменніцы і жадалі абдымацца! Кацярына Хадасевіч-Лісавая ўмее зацікавіць, заінтрыгаваць дзяцей сваімі кнігамі, у якіх змешчаны не толькі сам твор, але і квэст па яму, QR-коды на розныя прымныя падарункі ад аўтара, вандрульня па зместу кнігі. Асаблівы інтарэс у гэты прыезд пісьменніцы ў Барысаў выклікаў у дзяцей жахлівік "Па чырвоных стрэлках", выдадзены ў 2023 годзе "Выдавецкім домам Звязда" для дзяцей сярэдняга школьнага ўзросту. Сама з хваляваннем слухала аповяд аб гэтай кніжцы (гэта пры тым, што я ўжо двойчы яе прачытала). Вырашыла тэрмінова агучыць яго на сваім медыякантэнце "Казкі на канапе")!
Сустрэча з пісьменніцай завяршылася, але хачу шчыра верыць, што будуць яшчэ цёплыя сустрэчы і прэзентацыі новых кніг аўтара! Ёсць у мяне на прыкмеце школы, дзе будуць рады-рады вітаць спадарыню Кацярыну)!
Присоединяйтесь к ОК, чтобы посмотреть больше фото, видео и найти новых друзей.
Комментарии 2