Қонунлар жамият фаравонлиги учун хизмат қилиши керак. У жамиятни, унда яшовчи инсонларнинг ҳадлари чегарасини кўрсатиб қўйиш орқали халқни муайян текисликда ушлаб туради. Қонунлар ишлаб чиқишда жамоанинг иштирок этиши муҳим аҳамиятга эга. Чунки бир киши томонидан чиқарилган қарор (ёки қонун) қайсидир инсоний хоҳишга тобе бўлиб қолади. Кўпчилик томонидан баҳс- мунозаралар билан қабул қилинган қонун, пахсага қилинган лой сингари тепилади- тепилади алал-оқибат пишади. Фаразим бўйича биздаги айрим қонунлар амал қилиш муддатини ўтаб, яроқсиз ҳолга келиб қолган. Ҳозирда интернетда "вайнер", " тик токкер" ва балойи баттарлар кўпайиб кетган. Бу қатламнинг асосини асосан ёшлар ташкил қилади. Ишчиси ҳам кузатувчиси ҳам. Ва улар бир бирига улашаётган маҳсулотларининг 90% и манавий иммунитетни ўлдиришга хизмат қиляпти. Шахсий тадқиқот ўтказиб кўрдим. Youtube тармоғида Ҳассос шоир Абдували Қутбиддин ўқиган шеърлар бор-йўғи 15 киши томонидан томоша қилинган, "хотин ўз эрини ушлаб олди" қабилидаги видеонинг томоша қилувчиси эса 300 000 дан ортиқроқ. Мен бу билан адабиёт ўлди, эътибор қаратиш керак деган эски гапни титкиламоқчи эмасман. Лекин кун келиб, ўша видеони тарғиб қилаётганлар, уларни кузатаётганлар жамият тепасига келишади. Буюк даҳо Чернишевскийни дор олдига олиб боришаётганда, кеча "урра-урра" қилган халқдан садо чиқмаган экан. Ҳалқ дея муболаға қилдим оломондан садо чиқмаган. Ёки Жордано Бруно инквизиция машинаси томонидан ўтга ташланган. Ёхуд Қодирий қорнини эмас миллат дардини ёзиб отилиб кетган. Хўш нега халқ кўтарилмаган, нега ўз туғдорини ҳимоя қилмаган?, чунки тузум тепасидагилар халқ онгини кўринмас қорақурт билан заҳарлашган тамом вассалом. Демак хулоса қиладиган бўлсак, ҳозир ҳам жамиятнинг манавий қобиғини кимлардир ёриб, қорақурт заҳрини қуяётган бўладими шунда?. Йўқ, мен ҳеч тушунмайман демократик жамиятда ҳамма нарсага эркинлик берилиши керак деган сўзга. Халқнинг манавиятига салбий таъсир қиладиган жараёнга қандай эркинлик бериш мумкин. Нега назорат йўқ?, нега қонун йўқ?. Тўртта бешта олимпиядачи-ю, спортчи билан келажаги буюк давлат қуриб бўларкмикан. Ё фақат ўтмишимиз буюк бўлиб қолаверадими?.Балки Европада шундай деб ҳамма нарсага рухсат бериш керакмасдир. Балки Европа ёшлари ҳар жиҳатдан биздан кучлидир. Балки уларнинг манавий иммунитети кучлидир. Ҳозир биз кучлимиз дейишга ҳеч кимнинг ҳаққи йўқ, бизнинг ўтмишимиз кучли бўлган, бугунимиз эмас... Телевизорда беришди шунақа аҳмоқона видеолар чиқараётганларни. "зато мен пул ишлаяпман, бировга зарарим теккани йўқ, агар мен шу ишни қилмай кўчага чиқиб кетиб, бировни пичоқлаб қўйсам нима бўлади" дейди. Сен ҳозир миллат келажагини пичоқлаяпсан, қотиллик қилиб пул топаяпсан дейдиган одам йўқ. Кун келиб ҳақ сўзни айтган одамни биз бугун ўлдиряпмиз, манқурт қилиб тарбияланаётган авлод билан. Қорақурт заҳри ҳали танимизга сўриб улгурмади, имкон борида енгимизни тортайлик. Қонун ишласин, янги қонун, замонга мос қонун. Депутатлар Уйғонинг.
Жаҳонгир Ғойибов
Присоединяйтесь к ОК, чтобы посмотреть больше фото, видео и найти новых друзей.
Нет комментариев