Vote, az vitdənıbim ıştıku, noz bim, tı zınəy?

Votem, anəndə vitij tı, ənə nez bim, tı zınəy?
Vote, boği kıçədə qıybəji vıl bim nızınəy,
Votem, azən bətısə şəv dəşə muz bim, tı zınəy?
Vote, rujon dırozi coyli ohaşte mını tı,
Votem, ə so'm, dıtı qardim və dıroz bim, tı zınəy?
Vote, bəs hiç bəçımı quş i qəvə vanqı noməy,
Votem, əv bılbıli-zorbim, bə əvoz bim, tı zınəy?
Vote, i ruj dılı sığ kay, hiçi nınvışte bəmı,
Votem, i ruj dıli şəyton dəşe, bez bim, tı zınəy?
Vote, kamım doəni bəştı dıli, həx - nohəxi,
Votem, az ıştı buka hakənə riz bim, tı zınəy?
Votem, ənvışt bə nəbəy çiçıj əbi Mirfəyazi?
Vote, şair bıkə hejjo əvi, az bim, tı zınəy?
Mirfayaz Likməkani
13.12.2023