Пандонть прясо,кинть чиресэ,

Мазый килейне касы.
Ловось правты,вармась кравты,
Ашо рунгонть калавты.
Тундонь лембесь сы а курок
Кежей якшамонть пурнат.
Пандонть прясо-ськамот, ськамот-
Теке нумолнэ сорнат.
Ванозьгак седеем кельми
Ды кода тон цидярдат?
Лембе кудос а кандоват...
Ков истя покштсто касат?
Монень ,килейне, а эждяват,
Кизэнть учик кодаяк,
Сы тундонь лембине коштось ,
Ине паля тон оршат.
Кизэнть самсто мазый цецят
Эсеть ланга понгавтнят.
Пандонть прясо кинть чиресэ,
Мазый одирьвакс кармат. 2010 ие..