"Кутганимдан ҳам яхши": Эстевао "Челси"даги дебютига баҳо берди

"Челси" қанот ҳужумчиси Эстевао Виллиан жамоадаги ўйини ҳақида фикр билдирди. Бразилиялик футболчи "кўклар" сафига ўтган ёзда келиб қўшилганди.
"Челси"даги стартим кутганимдан анча яхши бўлди. Тез мослашдим ва дарҳол яхши ўйнай бошладим. Нафақат клуб ичида, балки унинг ташқарисида ҳам мослашдим. Мен жуда бахтлиман," - дея Эстеваонинг сўзларини келтиради Sky Sports.
Жорий мавсумда 18 ёшли Эстевао барча турнирлар ҳисобида 16 та ўйинда майдонга тушиб, рақиблар дарвозасини тўрт марта ишғол қилди ва битта ассистни ўз ҳисобига ёздириб қўйди.