იყიდება საქართველო

იყიდება საქართველო. მინდორ-ველით, მთა-გორით, ტყით, ვენახით, სათესავით; წარსული ისტორიით, მომავალი სვე-ბედით; მშვენიერი ენით; ნაქარგი ფარჩა-ხავერდით; ვაჟკაცურის ხასიათით, სტუმართმოყვარეობით;დიდებულის სანახაობით, წმინდა ჰაერით; ნაამაგევი სახლით დაკარით; ჩუქურთმიანი მონასტრებით და ეკლესიებით; მჩქეფარე ნაკადულით; ლურჯი ზღვით; მოწმენდილი-მოკაშკაშე ცით; ერით, ბედით; თვალწამთაცე ბანოვანი გუნდებით; გონებაგახსნილი ვაჟებით; მალხაზი ბავშვებით; ვერცხლისფერ თმით შემოსილ პატივსადებ მოხუცით; იყიდება საქართველო დედით და მამით, შვილით და ძირით, ძმით, დით, ცოლით ნათესავ-მოყვარეთი.
ჰყიდის ყველა: თავადი, მღვდელი, ვაჭარი, ავაზაკი, დიდი და პატარა, ჭკვიანი და სულელი, ლოთი და პირაკლული.
იყიდება ყველგან: ქუჩაში და სახში, თეარტრში და სასამართლოში, სასწავლებელში, სათუსაოში, ეტლში, მატარებელში, დილით და ღამით, სიცხეში და სიცივეში, დარში და ავდარში.
იყიდება ერთად: შვი ზვიდან კასპიის ზვამდე და ოსეთიდან სპარსეთამდე. იყიდება ნაწილ-ნაწილ: კახეთი და იმერეთი, ქართვი, სვანეთი და სამეგრელო, გურია და ლეჩხუმი, რაჟა და ჯავახეთი. იყიდება პატარ-პატარა ნაჭრებივით, ვისაც უნდა და როგორც უნდა: ნისიათ, უფასოთ, ნაღდად, დროებით და სამუდამოთ; ბანკის საშულებით და ჩვენის დახმარებით.
იყიდება ბარემ მთლად, გაწეწით და გაგლეჯით, რასაც საქართველო ერქვა და რაც დღეს ოხრადდარჩენილი აძღებს ყორნებს და გულს უკავს უძლურ ჭირისუფალს!