Предыдущая публикация
Што з табой, прызначаны мне век?!
Крок па кроку ў руху спракавечным
Ты прыспешваеш нястрымлівы свой бег…
Вір няўрымсны – калаўрот спрадвечны.
Што з табой, вар’яцкі ты мой век?!
Колькі знічак згасла на ўзыходзе?!
Колькі кветак струшчыў чалавек?! −
Згінулі ў вясновым крыгаходзе.
Знікнулі, цяпер ужо навек,
Між мярзотных плыняў ды разводдзя.
Што з табой, мой ненажэрны век?!
Што з людзьмі счарсцвелымі ў нягодзе?!
Што з зямлёй, які далей ёй век?!
З хараством, з гармоніяй ў прыродзе?!
Што з табой, прызначаны мне век?!
Годзе!
Досць!
Пара ўжо жыць у згодзе.
М. Кобец 04.04.2024
Присоединяйтесь к ОК, чтобы посмотреть больше фото, видео и найти новых друзей.
Нет комментариев