Предыдущая публикация
…Ранне, пара маладзічная.
Дом – у ваконцах фіраначкі…
Пахнуць сачыстай травіцаю
Рукі Твае, мая Мамачка.
Глебай сырой сакавіцкаю,
Сонейкам шчэ не спешчанай,
Разорай, мяжой шаўкавістаю,
Наўсцяж дзьмухаўцом расквечанай.
Яшчэ – сырадоем, макрыцаю,
Няхітраю ежай ды выпечкай,
Улетку – грыбамі, ігліцаю,
Узімку – дрывамі і прыпечкам;
Вадзіцай жывой, беззаганнаю,
З лёдам – са студні Татавай,
Бялізнай у ночвах папранаю –
Пахнуць далоні шурпатыя.
Парэпаныя ды шурпатыя –
Па працы ад ранняга раначку –
Пахнуць дзяцінства пахамі
Рукі Твае, мая Мамачка.
17.02.2024 М. Кобец
Присоединяйтесь к ОК, чтобы посмотреть больше фото, видео и найти новых друзей.
Комментарии 7