სომხური ქადები
3 ჭ. ფქვილი
1 ჭ. მაწონი (შეგიზლიათ ნახევარი მაწონი და ნახევარი არაჟანი გამოიყენოთ, კიდე უფრო ცხიმიანი და გემრიელი გამოვა)
1 კვერცხი
200 გრ კარაქი
სოდა ძმრით, ვანილი.
მოზრდილ ჯამში ჩავყაროთ ფქვილი, შუაგულში ჩავახალოთ კვერცხი, დანით დავჭრათ ცივი კარაქი და ყველაფერი ერთად ავკეპოთ. დავუმატოთ მაწონი, სოდა ძმრით, ვანილი და მოვზილოთ ცომი.
შევუდგეთ გულის მომზადებას:
დავფშვნათ ერთად 100 გრ კარაქი, 1, 5 ჭ. შაქარი და 0.5 ჭ. ფქვილი.
გავაბრტყელოთ ცომი, მოვაყაროთ გული და გადავახვიოთ.ოდნავ გავაბრტყელოთ და დავჭრათ სასურველ ნაჭრებად. გადავუსვათ კვერცხის გული და გამოვაცხოთ ღუმელში 180 გრადუსზე დაახლოებით 25 წუთის განმავლობაში.