თუნდაც

თუნდაც ერთი წამით თვალი არ მოხუჭო,
თეთრად ღამეები ათენო,
ზეცა გაიხსენე – თეთრიც და მოლურჯოც,
ღმერთს არ უღალატო, ქართველო!
იქნებ ზოგიერთებს სისხლი გაუცივდეთ,
იქნებ საკუთარიც გათელონ,
თავს არ გაუფრთხილდე, თავს არ გაუფრთხილდე,
მამულს გაუფრთხილდი ქართველო!
სულში მოვარდნილო გრძნობის ნიაღვარო,
სიტყვავ, ათასწლების სათქმელო,
ცუდად ჩვენს საუნჯეს არვინ მიაკარო,
ენას მოეფერე, ქართველო!
მხოლოდ შენით არის სული მოხარული,
ცაო– სიბრმავემდე ნათელო,
ერთიც რომ არ დაგრჩეს ქვეყნად მოყვარული,
ღმერთი არ გაგწირავს, ქართველო!
ვანო კორძაძე