Уьстюнлюкню 80 йыллыгъына багъышлана

➖➖➖➖➖➖➖
1941 - чи йылында,
Июнь айны 22 - чи гюнюнде.
СССР -ни ёкъ этмеге ойлашып,
Гитлер план къура болгъан Берлинде.
Бизин булан дав этмесге къол салып.
Янындагъы солдатларын къолгъа алып.
Шо тушманлар гючлю давну башлады.
Дав майданда яшларыбыз ташланды.
Бизин уллу Аталар шо гюнлерде,
Къыйынлыкълар гёрдю унутмас кюйде.
Аталаны,яшланы давда къоюп,
Аналары болармы ятып уьйде.
Шо давларда къырылды кёп халкъыбыз,
Талчыгъабыз, юреклерден янабыз.
Эсделикге къабурланы уьстюне,
Гьар йыл сайын барибиз де барабыз.
Шо душманлар нече чапгъын этсе де,
Гери уруп болмады бизин элни.
Къанын тёкдю,жанын берди халкъыбыз.
Немислеге бермеди бизин ерни.
Титиремей, тёш берип бизин яшлар,
Къочакъ кюйде душманланы утдулар.
Къумукь улан, Абдулгьаким Исмаилов,
Рейхстаггъа уьстюн байракъ къакъдылар.
Абдулгьаким Исмаилов ,
Дагъыстанлы къумукь улан.
Юреклер тавдай бола,
Игит уланлар булан.
НУРГЬАТ КЕРИМОВА -ХАМАВОВА
30.04.2025 г.
БОТАШЮРТ .