Фотагісторыя пра тое, што калі тваё дзяцінства прайшло ў доме ля Чырвонага касцёла, то ўся цяперашняя плошча Незалежнасці ператварылася ў тваю дзіцячую пляцоўку. Здымкамі з сямейнага альбома падзяліўся архітэктар Андрэй Шулаеў, на іх маленькая дзяўчынка, якая вырасце і стане яго мамай, у Мінску 1950-х насычана бавіць свой час, як і любое дзіця. Сям'я Андрэя некалі жыла ў доме на плошчы Незалежнасці, а цяпер у ім Камітэт па архітэктуры горада.