Արդյո՞ք ՀԻՍՈՒՍ ՔՐԻՍՏՈՍԸ Հարություն է առել մեռելներից:

Ահա մեր հայ ազգը ամեն տարի նշում է ՏԵՐ ՀԻՍՈՒՍ ՔՐԻՍՏՈՍԻ Հարության տոնը, հավանաբար նաև դու՝ սիրելի հայորդի, այս առիթով գնում ես եկեղեցի և կարևորում ես այդ տոնը:
Սակայն կարծում եմ, որ հայտնի է շատերին, երբ խոսքը գնում է Քրիստոնեական հավատքից և հերթը հասնում է Մեռելների Հարությանը, շատերը ծաղրանքով են վերաբերվում այդ կարևորագույն հավատալիքին:
Այսպիսով, տրամաբանական հարց է ծագում, եթե չեն հավատում,ապա ինչու՞ են գնում եկեղեցի և ինչու՞ են գործածում հետևյալ խոսքը:
«Քրիստոս Յարեաւ ի մեռելոց, Օրհնեալ է Յարութիւնն Քրիստոսի»
Աստվածաշունչը ասում է:
1 Կոր. 15:12-14,20 - 12 Բայց եթէ Քրիստոսը քարոզվում է՝ թէ մեռելներից յարութիւն է առել, ինչպէ՞ս են ձեզանից ոմանք ասում, թէ Մեռելների յարութիւն չկայ։ 13 Եթէ մեռելների յարութիւն չկայ, ապա Քրիստոսն էլ չէ յարութիւն առել։ 14 Եւ եթէ Քրիստոսը յարութիւն չէ առել, ուրեմն ունայն է մեր քարոզութիւնը, եւ ունայն է ձեր հաւատքն էլ։
20 Բայց հիմա Քրիստոսը յարութիւն է առել մեռելներից, ինքը ննջածների առաջինեկ եղաւ։
Այժմ այս հարցը քեզ է ուղղված սիրելի հայորդի:
Արդյո՞ք ՀԻՍՈՒՍ ՔՐԻՍՏՈՍԸ Հարություն է առել:
Ահա ևս մեկ անգամ առիթ ունես անկեղծությամբ վկայելու ինքդ քեզ և ԱՍՏԾՈ առջև, թե հավատու՞մ ես, որ ՀԻՍՈՒՍ ՔՐԻՍՏՈՍԸ Հարություն է առել:
Եթե հավատում ես, որ ՔՐԻՍՏՈՍԸ Հարություն է առել և Աստվածաշնչյան Խոսքը քեզ համար ճշմարտություն է և ՀԻՍՈՒՍ ՔՐԻՍՏՈՍԻՆ քո ՏԵՐԸ և ՓՐԿԻՉՆ ես համարում՝ հավատքի կյանքը ապրելով, ապա օրհնյալ ես և Հավիտենական Կյանք ունես
սակայն, եթե չես հավատում Հարությանը, ապա իմացիր, եթե անգամ հավատաս Աստվածաշնչյան մյուս հավատալիքներին և «հավատքով» ապրես կյանքդ, չես կարող համարվել Քրիստոնյա և չես կարող ունենալ Հավիտենական Կյանք, քանի որ ՔՐԻՍՏՈՍԻ և մեռելների Հարությունը Քրիստոնեության հիմնաքարն է և անբաժան հավատալիքը:
Եթե հավատում ես ՀԻՍՈՒՍ ՔՐԻՍՏՈՍԸ ծնվել է, սակայն խաչի մահով մահանալուց հետո Հարություն չի առել, ապա դու Նրան թողել ես գերեզմանի մեջ և ՏԵՐ ՀԻՍՈՒՍ ՔՐԻՍՏՈՍԻՆ հավասարացրել ես կրոնների առաջնորդների վիճակին, ովքեր մեռան և այդպես էլ մնացին գերեզմանում և ապականվեցին:
Սակայն իմացիր, որ չկա ճշմարիտ՝ Վերստին Ծնված Քրիստոնյա, որ չհավատա և չդավանի ՔՐԻՍՏՈՍԻ Հարությունը:
Այսպիսով մի եղիր անհավատ, այլ եղիր հավատացյալ:
Երանի ՏԵՐ ՀԻՍՈՒՍԸ ՔՐՍԻՏՈՍԸ մեր հայորդիների սրտում մեռած չլինի, այլ մեռելներից Հարություն առնի:
🙏🙏🙏