✒Нявлӑк сӑмуп ай тохтур ими

Поӆнавӑт кәрта я̆ӊхмємн ма кўлуп хотн «Сорнеӊ сӑк» тӑхийн ар вєрӑнтты имет пиӆа вәтаӊа йисум. Щи кўтн ӆєӆ оты ханты имие Валентина Матвеевна Попович шиваӆӑсум. Ӆўв щи пурайн арсыр мирӑт аканят пӑта ёнтум хурамӑӊ ӆәмӑтсухӑт аӆяс.
Ӆўв пиӆэӆа путӑртмємн уша вєрсум, ӆўв хӑнты Пятниковӑт, Гришкинӑт па Лельховӑт рәтӑт эвӑӆт йиӆ.
- Ӑӊкєм Тамара Андреевна Гришкина сорни ёшуп имия вәс. Аӊкаӊкєм Мария Дмитриевна Лельхов рәт эвӑӆт вәс, ӆўв ищи тәса па хурамӑӊа ёнтӑс, тыйс па па ими вєрӑт тәса вєрӑс. Ӆўв икеӆ, ма аӊщащєм Андрей Иванович Гришкин, вуӆаӊ ӆаӆьн вәшӑс. Мўӊ ӆўвеӆ веккєши нәмман тӑйӆўв, ин ӆўв оӆӊеӆн хиӆэӊӑӆама путӑртӆум. Ма хӑнты рәтӆам оӆӑӊӑн айкеӆӑт ӑкӑтсум, щитӑт я̆м арат оӆ юхӆы «Торум Маа» музейн ванӆтупсыйн ӆэщӑтсыйт, – щиты ӆўв путрӑӆ оӆӊитсӑӆэ.
Материал на сайте https://khanty-yasang.ru/khanty-yasang/no-19-3679/21375 #ХантыМансиМир #ХантыЯсанг #статьиОРНГ #ТекстНаХантыйском