✅Школа, як вядома, пачынаецца з двара, які назаўсёды застаецца ў памяці яе вучняў як маленькі астравок дзяцінства, куды заўсёды хочацца вярнуцца.

І вельмі прыемна, калі гэты астравок нагадвае аазіс чысціні і ўтульнасці. Такі, як, напрыклад, у Дараганаўскай СШ.
📌Новы навучальны год установа адукацыі сустракае акуратна падстрыжанымі газонамі, мноствам кветак, малымі архітэктурнымі формамі і рознымі тэматычнымі кампазіцыямі.Адна з іх прысвечана 80-годдзю Вялікай Перамогі і створана ў рамках конкурсу “Упрыгожым Беларусь кветкамі”.
📌Далей можна ўбачыць тры вертыкальныя аркі, аплеценыя раслінамі, кампазіцыі “Хатка ля возера” і “Беларускі каларыт”, яркі “Райскі куток”, дагледжаную туевую алею, аптэчны агарод — паглядзець ёсць на што.
📌Адметна, што вучні не толькі любуюцца ўсім гэтым хараством, але і дапамагаюць яго ствараць і даглядаць. Усё лета прыходзяць па чарзе палоць і паліваць кветкі, каб 1 верасня іх школа выглядала па-сапраўднаму ўрачыста.