❗️Памёр Георгій Мандзалеўскі

Стала вядома, што пайшоў з жыцця легендарны валейбаліст, які нарадзіўся ў Воршы. У канцы студзеня яму спаўняўся бы 91 год, і наша рэдакцыя на YouTube-канале падрыхтавала з гэтай нагоды відэа () пра славутага земляка. На жаль, цяпер высветлілася, што Георгій Мандзалеўскі памёр 28 красавіка 2024 году, праз тры месяцы пасьля свайго 90-гадовага юбілею.
Цікава, што на пачатку кар’еры Георгій Рыгоравіч абсалютна не вылучаўся ані гульнёй, ані фізічнымі дадзенымі. Рост 168 см (потым 172 см), вага 58 кг. Але ўзорная дысцыплінаванасць і праца на трэнаваннях дазволілі яму ў хуткім часе стаць тэхнічным гульцом і важным для каманды элементам. Напрыклад, ён 2-разовы алімпійскі чэмпіён Токіё-1964 і Мэхіка-1968 у складзе зборнай СССР. Таксама аўтар шэрагу кніг па метадалогіі трэнаванняў.
Цікавае назіранне: Мандзалеўскі некалькі разоў заваёўваў трэція месцы, а вось срэбраных медалёў няма. Значыць, калі Мандзалеўскі з камандай выходзіў у фінал, ён абавязкова здабываў тытул пераможцы! Вечная памяць… https://www.youtube.com/watch?v=3kUSr9SjUQA