​​Кимдир чин юракдан эслаб, қилса дуо...

Қаерда бўлсангиз, саломат бўлинг!
Қандай бўлсангиз ҳам бор бўлинг доим!
Хижронлар, армонлар, айрилиқлардан,
Асраб юрса бўлди сизни Худойим!
Беҳос оғримасин тану-жонингиз,
Ошиқлар қолмасин изларингиздан.
Яхшилар суратин изласин мудом,
Меҳр томиб турган
кўзларингиздан!
Осуда тонгларга шукрона айтиб,
Қуёш нурин ёйсин йўлларингизга!
Яратган беҳисоб куч ато этсин,
Дуолар тўкилган қўлларингизга!
Омонат дунёда омонатмиз, рост.
Гоҳо яшамоқдан сабримиз тўлди.
Кетар чоғимизда битта бўлса ҳам,
Кимдир чин юракдан эслаб, қилса дуо...