XАТО

Одам xатони қилди, армондамиз шу боис,
Кошки олма олмасайди, зиндондамиз шу боис.
Дунё xато жазоси, ташвиш ибтидоси,
То интиҳо кураш, деб майдондамиз шу боис.
Афсуским, чиқарди инсонни нафс йўлдан,
Сичқонга ўxшаб энди қопқондамиз шу боис.
Йиғлаб жаҳонга келган гўдак, замин муборак,
Бу ерда ғам сурар ҳукм, афғондамиз шу боис.
Танга бўлиб гирифтор, андуҳ бизда бисёр,
Йўқ кўп қолишга ҳожат,
меҳмондамиз шу боис.
Инсофда, Алишер, ҳаргиз кўринмагай шер,
Макру фириб ғолиб ўрмондамиз шу боис.
Алишер