@SanSiz@

~ Қалбингни банд этсин охират ғами
Хар лахза ёдингдан чиқмасин ўлим.
Надоматки мендан чиқмади олим
Жаннатда бошимга тож кийдир ўғлим.!
Закариё каби алам ютсанг хам,
Илмни чўғ каби қўлда тутсанг хам,
Уйи йўқ Исодек фақир ўтсанг хам,
Жаннатда бошимга тож кийдир ўғлим.!
Хақиқий олимлар қасрлар қурмас,
Қасрлар ичинда бемалол юрмас.
Фонийда қалбимга таскин керакмас,
Жаннатда бошимга тож кийдир ўғлим.!
Чорасиз он йўқлаб келсанг мабодо,
Отанг ва онангни севсанг мабодо
Бизни рози бўлсин десанг мабодо
Жаннатда бошимга тож кийдир ўғлим.!!
Кулгингдан айланай, ўргилсин жоним
Сенда шиддат ила оқмокда қоним.
Хажга олиб борма қариган оним
Жаннатда бошимга тож кийдир ўғлим.!!
Кимдур ўғли сабаб мағрур кулади,
Кимнингдир кўз ёши жиққа тўлади.
Бу дунё ишлари бир гап бўлади
Жаннатда бошимга тож кийдир ўғлим.!!
Хар бир юмушимда хайрихох ўғлим
Унутма Қиёмат манзилгох ўғлим
Бугун олиб берай неки истасанг
Бунинг эвазига бир шарт чидасанг
ЖАННАТДА БОШИМГА ТОЖ КИЙДИР ЎҒЛИМ.!