ЎТИНЧ

Эллик икки тараф таралди оҳим,
Эллик икки вужуд - юракда доғим...
Бу фоний дунёда ўтда ёндилар,
Боқий оловидан асра, Аллоҳим!
Элим чорасиздир, гирёна боқмиш,
Ҳар тараф чўғ босган, дилларни ёқмиш.
Кўзларки қип-қизил гулшанда оқмиш...
Боқий оловидан асра, Аллоҳим!
Сендан ўтинамиз, бенуқсон Ўзинг,
Ҳар нени бор этгай Бўл деган Сўзинг:
Не азоб чекмишлар, биласан Ўзинг,
Боқий оловидан асра, Аллоҳим!
Фарёдлар самони тешиб ёрдилар,
Бу қандай юк бўлди, қалбга ортилар?!
... Сенинг ҳузурингга ёниб бордилар,
Энди дўзахингдан асра, Аллоҳим!
- Ҳайрулла Хамидов.