@SanSiz@

Ногирон бола номидан
«Ассалому алайкум Қорбобо!
Келяпсизми? Агар келсангиз бизнинг уйга ҳам келинг, илтимос.
Айтишларича мўъжизага ишонган болаларга янги йилда қорбобо совға улашар экан. Мен ишонаман. Жуда ишонаман.
Қорбобо , ойимга янги этик олиб келинг... Эскиси йиртилган. Туфлисидан эса сув ўтяпти.
Укамга пальто олиб келинг... Аввалгиси кичкима бўлиб қолдида...
Синглимга ўқув қуроллари олиб келинг. У жуда яхши ўқийди...
Дадамга...ойим инсоф олиб келсин дейди, синглим самалёт дейди. Укам дадам ўзини истаганини дейди. Мен эса... Уйга қайтадиган йўл олиб келишингизни сўрайман. Ўзингизга қайси ёқса олиб келаверинг. Фақат ароқ олиб келманг...илтимос.
Менга... Менга ўқув қуроллари керакмас, мактабга бормайманку.
Янги пальто керакмас... Кийиб қаерга борардим. Янги этик ҳам керак эмас. Барибир юролмайманку....
Сиз яхшиси тезроқ келинг.. Кутяпман. Ахир кунлар совиб қор ёғса ойим ва укам совқотиб қолишади.. Келасиз-а? Албатта келасиз. Ахир ҳаёт мўъжизаларга тўлаку...
Хайр Қорбобо